Monetary Plants

Drop Down MenusCSS Drop Down MenuPure CSS Dropdown Menu

8 February 2019

CORN AND VEGGIE PUFFS MAKING BUSINESS HEALTHY SNACKS FOR ALL

CORN AND VEGGIE PUFFS MAKING BUSINESS HEALTHY SNACKS FOR ALL 

Corn and Veggie Puffs
Corn and Veggie Puffs

Corn And Veggie Puffs Making Business Kya Hai Aur Kaise Start Kare?

Aaj main apko sabke favorite snacks yani ki Corn and Veggie puffs making business ke bare me batayungi. Apne market se Cheetos ya kurkure ke packet dekhe hi honge ya khaye jarur honge ye sab corn puffs hote hai.

Corn And Veggie Puffs Healthy Snacks For All Kyu Hai?

Corn and Veggie Puffs bahut hi healthy snacks hote hai kyuki corn me protein, vitamin, mineral, fiber ki matra bahut hoti hai aur vegetables me bhi. Isme fat aur calories bahut hi kam paye jate hai to ye snacks sabhi ke liye healthy snacks hai aur isski demand bhi bahut hai market me.

Market me corn puffs making businessman bahut hai issliye agar aap Corn se sath Veggie ka twist layenge to jyada demand hogi apke puffs ki nahi to aap Corn ke alag aur Veggie ke alag-alag puffs bhi taiyar kar sakte hai. Dusri countries me Veggie puffs ki demand bahut jyada hai issliye India me bhi sab pasand karne lage hai veggie pufss kyuki sab health Cautious ho gaye hai aajkal issliye sabhi ko pasand ayenge aur apki corn and veggie puffs ki demand badegi market me.

Raw Materials Of Corn And Veggie Puffs Healthy Snacks For all

  • Corn mixture.
  • Dried vegetables mixture.
  • Edible oil.
  • Salt.
  • Water.
  • Massala for taste.
  • Flavour.
  • Colour (optional).

Making Process Of Corn And Veggie Puffs Healthy Snacks For all

Sabse pahle apko corn ke ready made mixture ya crush kiya hua corn kharidna padega nahi to aap corn ya dried veggie ki mixture khud bhi taiyar kar sakte hai crusher ya grinder machine se. Corn and veggie puffs banane ke liye corn mixture, dried vegetables jaise ki carrots, cabbage, green pees, beetroots, cauliflower ki mixure taiyar karna padega. Phir 100% mixture me 2% oil dalkar, salt, (colour optional) and pani dalkar dough taiyar karna padega.

Phir dough ko puff making machine me dalna padega. Aap machine se koi bhi shape ya size ki puff taiyar kar sakte ho mould (dyes) ko change karke jaise ki triangle, ring, round, star, ya kurkure shape ki. Phir puffs ko flavor (coating pad) chamber me dalkar unme flavor and oil add kare jaise ki chat masala ya aap khud bhi masala taiyar kar sakte hai alag-alag flavor ke. Phir thora oil bhi dale phir use packaging machine se pack kare koi bhi toys ke sath ya gift ke sath kyuki bachcho ko toys bahut pasand ate hai ya aap koi bhi gift rakh sakte hai har 2 packet kharidne par ya 5 packet kharidne pad. Packing karte waqt nitrogen gas jarur dale nahi to puffs kharab ho jayenge.

Aap apni corn and veggie puffs packet ko 100 g ya 250 g, 500 g bhi rakh sakte hai aur bech sakte hai aur weight ke hisab se cost bhi rakhe.

Aap apni products me apne company ke nam ki labeling jarur kare aur khaskar fssai number aur logo ki. Isme apki products me logo ki trust badegi aur demand bhi. Fssai registration ke liye online apply bhi kar sakte hai. Agar aap khali corn mixture se puff banana chahte hai to woh bhi healthy snacks hai sabke liye kar sakte hai.

Corns
Corns

Required Registration and License for Corn and Veggie Puffs Making Business

#1 GST Number/License: Aajkal India me koi bhi business karna hai to GST registration yani GST number lena bahut hi jaruri hai. Issliye GST number ke jarur apply kare.

#2 FSSAI Registration and LicenseIss business ko start karne ke liye apko FSSAI orginisation se registration lena padega kyuki ye ek food production business hai issliye ye mandatory hai. Aap FSSAI registration kara lenge to apke business ke liye machine kharidne ke liye loan bhi asani se mil jayegi aur aapko apni marketing me bhi subidha hogi yani ki sell karne me FSSAI number ya logo se apki food products ko ek brand milti hai aur customer bhi inme trust dikhate hai aur kharidte hai.

#3 MSME Registration and License: MSME registration me koi charges nahi lagti hai issliye ye registration jarur karaiye aur Government ki taraf se di gayi subidha ka labh uthhaiye aur loan bhi asani se lijiye apni business ke liye.

Estimated Investment in Corn and Veggie Puffs Making Business Healthy Snacks For All

GST and MSME registration kaise kare main jaldi hi ispe article likhnewali hoo aap subscribed jarur kare meri website ko.

1. Production area or Room investment.
2. Corn puffs making machine price 1.5,0000 Se 2,50000 Rs.
3. Corn and Veggie Puffs Packing Machine Price.
4. Raw material investment.
5. Investment in License and registration.

Aapko 5,00000 lakh to lag hi jayenge iss bussiness ko shuru karne ke liye.

Veggie Puffs
Veggie Puffs
Conclusion
Koi bhi business me khaskar koi bhi food products ki business ke liye ye sab bato ka dyan rakhna jaruri hai,
1. Hamesha best quality ke raw materials use kare food products ke liye aur swachha pani (water) ka hi use kare .
2. Hygiene maintain kare jaise ki hamesha gloves, hair cover, apron pahanke ke production room me kam kare.
3. Neat and clean rakhe apni work place and staff ko bhi hygiene maintain karne ke liye kahe aur asspas ka area ki bhi saf-safai ka dyan rakhe.
4.  Training ya jankari thik se le start karne se pahle aur marketing ka bhi dyan rakhe.
5. Food License FSSAI, MSME, GST number ya registration jarur kare apne business ke liye ya start karne ke liye.

4 February 2019

FSSAI REGISTRATION YA LICENSE KYA HAI AUR KAISE APPLY KARE ONLINE

FSSAI REGISTRATION YA LICENSE KYA HAI AUR KAISE APPLY KARE ONLINE


Picture collected from Wikipedia
Picture collected from Wikipedia
FSSAI Ka Full Form Kya Hai?

Food Safety and Standards Authority of India.

FSSAI Organization ko 2006 me Indian Ministry of Health and Welfare aur Indian Governement ke taraf se banaya gaya tha food safety and standard check karne ke liye matlab ek tarah se food quality checking system hai food products business se jude logo ke liye ya company ke liye.

FSSAI Registration ya License kya hai?

Agar aap koi bhi food products ki business karte hai ya karna chahte hai to apko Indian Government se ek License leni padti hai ki apki food products ekdum safe and food quality badiya hai aur khane ke liye safe hai.  FSSAI License ya registration bahut hi jaruri hai koi bhi food products company ke liye isse business ki standard badti hai.

FSSAI food license ek 14 digit number hai jo FSSAI Organization ki taraf se apki company ko di jati hai aur ek logo bhi de jati hai jisko aap apni products ki labeling me dal sakte ho.  Aap online bhi FSSAI license ke apply kar sakte ho jo ki bahut assan hai offline se.

Category of FSSAI Registration Ya Registration

Basic FSSAI Registration (Form A): Agar aap chote businessman hai yani ki aap koi food stall chalte hai, juice stall, tea stall yani ki apke ek sal ki turnover 12 lakh tak ya usse kam hai to aap khali FSSAI registration kara sakte ho.

FSSAI State License (Form B): Agar apke food item business ka turnover 12 lakh se 20,000000 hai to apko FSSAI state license leni padegi.

FSSAI Central License (Form B): Agar apke business ka turnover 20,0000000 se jyada hai to apko FSSAI central license leni padegi. Agar aap India me ek se jyada state me apna food products ka business ya food products supply karna chahte ho to apki FSSAI Central License ki jarurat padegi.

Required Documents for FSSAI Registration and License 
  • Photo of the food business operator (FBO)
  • ID Proof: Aadhar Card, Voter ID card, Ration Card, Driving License, Passport,
  • PAN Card
  • Address Proof (Electricity Bill, Telephone Bill, Rental Agreement paper)
  • Blue Print of company
  • CA Certificate
  • Declaration and undertaking by FBO (Food Business Operator)
  • NOC and copy of License Manufacturer
  • Food Safety Management system, plan and certificate
  • Form IX (nomination of Persons by a company)
Different category License ke different documents lagte hai.



FSSAI License Ke Liye Online Kaise Apply Kare?

Sabse pahle FSSAI ke online web portal me log in kare www.fssaigov.org.

Phir aap apna Name, Mobile Number, Email ID bharkar application form download kare Category ke hisab se. Apply karne se pahle sab documents taiyar rakhe scan copy karke.  Form me sab details bharkar submit karne bad apko ek Unique Reference ID provide karenge. Phir apko payment karni padegi. License ke Category ke hisab se payment charges hoti hai. Phir apko payment amount ki Demand Draft banakar bhejna hai. Phir apko 15-25 din ke ander apko registration/Licence mil jayegi. State License ke liye 30 aur Central License ke 25-30 din lagte hai License Certificate ya Logo. State aur Central procedure Labh-bhag ek hi hai khali extra kuch documents lagte hai Central License ke liye aur charges bhi jyada hai.

Renewal/Compliance
Central license ke liye hai 3 mahine me online return form bharna padta hai aur automatic renewal ho jata hai.

Milk Products se related business ke 6 month me offline renewal karna padta hai.

Manufacturers ke liye yearly renewal karna padta hai. Renewal ke liye alag alag charges hai apke license ke hisab se lagte hai.

FSSAI License Validity 5 years ka hoti hai lekin enko renewal karna padta har sal me. Agar aap due date me renewal nahi karenge to 100 per day ke hisab se fine le jati hai.

Benefits of FSSAI License/Registration

Aap koi hotel, dairy, water, juice, koi bhi food products ki business ho to apko FSSAI se license lena jaruri hai ya registration karana padega jisse apke customer me ek trust ayegi ki apke products me koi milawat nahi hai puri tarah hygiene maintain karke banaya gaya hai aur apke health ke liye safe hai. Isse apke customer badeyenge aur business bhi aur munafa bhi badegi. Har badi food products apni labeling me FSSAI ka lebel lagate hai aur badi restaurant chalanewale bhi iss number ya logo ka use karte hai apne business ko badane ke liye jaise ki Zomato, Swiggy, Patanjali, Amul.

Mere hisab se jo bhi food products ki business karna chahte hai unhe FSSAI License ya registration jarur kar leni chahiye isse apki business me jyada munafa hoga apke products ke liye trust badegi aur apki sell badegi chahe koi bhi food products ho apki food products ko ek brand milegi safety, hygiene aur trust ka.

1 February 2019

ARTIFICIAL FLOWERS KA BUSINESS KIJIYE AUR PAISA KAMAIYE

ARTIFICIAL FLOWERS KA BUSINESS KIJIYE AUR PAISA KAMAIYE


Artificial Flowers Decoration
Artificial Flowers Decoration

Artificial Flowers Business Kya Hai? Aur Kaise paisa Kama Sakte hai?


Artificial flowers yani ki hand-made ya machine se taiyar ki hui flowers (phool) jo ki generally fabric se bante hai.

Aajkal real flowers ke price bahut jyada hai aur ye bahut jaldi kharab ho jate hai aur har season me har tarah ke flowers nahi milte hai. Ishliye aajkal artificial ya handmade flowers ki bahut demand hai khaskar Parties ya koi bhi stage show ya Event me decorate karne ke liye aur ghar me bhi decorate ke liye artificial flowers ka use hota hai. Artificial flowers thodi sasti padti hai ishliye inki demand bad rahi hai aur ye jaldi kharab bhi nahi hote hai bahut dino tak fresh ya as it is rahte hai.

Artificial Flowers (fabric) sabse achhi bat hai ki ye murjhate nahi aur har season me har flower mil jate hai lekin real flower murjha bhi jate hai aur har season me har phool nahi milte.

2019 me election hai aur bahut sara stage show honge aur decorate karne ke liye flowers ki jarurat padegi to ish election season me artificial flowers ke business se aap bahut paisa kama sakte hai.

Artificial flowers ke bahut sare variety ate hai market me jaise ki Polyster fabric ke flowers, Silk fabric ke flowers, Rayon fabric ke flowers actually ye jyadatar fabric se hi bane hote hai aur plastic ke bhi artificial flowers ate hai market me lekin price kam hai aur plastic jyadatar flower ke stem ko banane ke liye use hota hai. Sabse jyada demand Silk fabric flowers ki hai.

License Required  For Artificial Flowers Making Business

Artificial Flowers making business ke do tarah ke license ki jarurat padti hai. Agar aap manual karenge to trade license ki jarurat nahi padegi.

1. GST number.
2. Trade Licence.

Koi-koi company to overseas business bhi karte hai matlab import/export karte hai lekin uske liye license ki jarurat padti hai jaise ki IEC licence.

Artificial Flowers
Artificial Flowers
Raw Materials Of Artificial Flowers Making
Generally Artificial flowers making ke liye ye sab raw materials lagte hai ya use hote hai.
  • Polyster Fabric.
  • Silk Fabric.
  • Rayon Fabric.
  • Plastic.
  • Cotton plastic wire.
  • Cotton fabric.
  • Glue.
  • Colour.
  • Wire.

Machine Required for Artificial Flowers Making Business

Artificial Flowers Making Business ke liye generally ye sab machine ki jarurat padti hai
Price of Artificial Flowers Making Machine?

Alag alag machine ke alag alag price hai

Automatic Artificial Flowers Cloth Cutting machine ke price $6000 se $7000 tak hai.
Automatic Artificial Flowers Molding machine ke price $3000 se $5000 tak hai.

Artificial Flowers
Artificial Flowers

Steps of making Artificial Flowers 

Artificial Flowers do tarike se banti hai ek to manually aur dusri machine se. Machine ka cost bahut jyada hai issliye India me jyadartar log hat se hi taiyar karte hai.

Cutting: Ish process me fabric ya clothes ki cutting hoti hai flowers ke petal ya leaves banane ke liye machine se ya hat se hydrolic mold use karke .

Dying: Ish process me Petal (Pankhuri) aur patta (Leaves) ko dye kiya jata hai dying machine se ya hat se.

Shaping: Ish process me petal aur leaves ko shape diya jata hai.

Molding: Ish process me Fabric ke tukro ko mold me dala jata hai molding ke liye.

Manually Stiffened: Ish process me hat se petals aur leaves ko stiffen kiya jata hai.

Assembling: Ish process me stem, petals, leaves ko assemble kiya jai ek puri flower banane ke liye.

Packaging: Ish process me flowers ko pack kiya jata hai bechne ke liye packaging boxes me.

Flower garland
Flower garland

Conclusion
Artificial Flowers Making Machine ki cost bahut jyada hai issliye jyadar businessman cutting ke liye khali hydrolic mold ka use karte hai aur baki ka kam hato se karte hai. To aap bhi artificial (fabric) flower making sikhkar ish business ko kar sakte hai aur munafa kama sakte hai. Iss business ko start karne ke liye Decorators se contact jarur kare kyuki har occasion me Decorator hi decoration ka saman supply karte hai ya to aap Event Organizer se bhi contact kar sakte hai. Har event me flowers ka hona bahut Special chij hai decoration ke liye.

Agar aap flower khud se nahi banana chahte to wholesaler se loose phool kharidkar bouquet banakar ya mala (garland) banakar market me ya Decorator ko bhi flowers supply kar sakte ho iss tarah se bhi aap paisa kamaiye.