Monetary Plants

7 September 2018

MEDICAL TRANSCRIPTION KYA HAI?

MEDICAL TRANSCRIPTION KYA HAI?


Working with Voice Recognition Machine
Working with Voice Recognition Machine

Hi Friends,

Aaj main apko very unique profession yani medical transcription ke bare me batana chahti hoon. Mujhe bahut hi bura lagta hai jab mujhe pata chalta hai ki bahut sare logo ko iske bare pata nahi hai. Isliye main unlogo ke liye likh rahi hoon jise nahi pata hai. Medical transcription me actually marij ya patient ki report taiyar karna padta hai health insurance company ke liye, doctors ke liye bhi aur patient ki medical record ke liye bhi. Apne dekha hoga discharge ke samay apko ek report di jati hai jisme, patient ke bare me har details rahti hai, bimari ke bare me, tests ke bare me aur kya medicine lena hai woh bhi likha hota hai. Jo log ye report taiyar karte hai unhe medical transcriptionist ya medical language specialist kaha jata hai. America me har patient ka record rakha jata hai aur dusre country me bhi. Pahle to India ke hospitals me nahi hota tha lekin abhi Indian hospitals me aur clinic me bhi hota hai aur diagnostic center me bhi. Ye ek health care industry hai. Lekin India ke hospital me aur dusri country ke hospital me transcription alag tarike ke hota hai jaise India me jyadatar doctors ki report padkar ya dekhkar report taiyar karna padta hai transcriber ko but dusri country me record ya doctors ki voice sunkar report taiyar karna padta hai transcriber ko joki bahut hi difficult hai kyuki recording me voice ki quality hamesha achhi nahi hoti hai upper se unki English bolne ki accent bhi alag hota hai jaise Americans ke English bolne ki accents UK ke English bolnewale se match nahi hoti hai.


USA me ye industry pahle se developed hai aur bahut popular profession hai. Puri duniya me ye industry bahut hi popular hai jaise UK, Australia, UAE sab jagah me hoti hai.

Apko jankar tajjub hoga America, UK aur Australia jaise bade countries humhare yeha jyadartar outsource karte iss kam ko matlab humare yeha ke transcriptionist ye report taiyar karte hai kyuki India se kam karane se unko faida hota hai kyuki ek to ye bahut hi tough job hai aur iski salary bhi bahut hoti dusri country me aur samay ke differenece ke bajah se bhi. Humari country me jab din hoti hai to America me rat. Dusri bat India me kam karne ki logo ki kami nahi hai, bas kam ki kami hai isliye jyadatar transcription kam India bheja jata hai. India ke English bhi kafi acchi hai khaskar South India me.

South India me ye ek badi industry hai. Ajkal metro cities me bhi bahut sare company hai.

Main apko ab America jo outsource karti hai usko India ke transcriptionist kaise taiyar karte batati hoo.

Basically kya hota USA based hospitals doctors ki voice ko record karke yeha India me jo Tranascription company hai usme bhej deti hai internet ke through aur India me jo company hai woh apni staff se yani medical transcriptionist se report taiyar karke, edit karke bhej deti hai USA ke hospitals ya clinic me.


Eske liye training jaruri hai, iske bina possible nahi hai kisi bhi halat me nahi. Kyuki eski ek format hoti hai aur uski hisab se report taiyar karna hota hai aur apko human anatomy ke bare me pata hona chahiye and diseases ke bare me, medicine nam ke bare me.

Isme actually kya hota hai ap apni kano me headphone lagakar doctor ki voice ko sunkar jo recorded hota hai apko report taiyar karna padta hai MS Word me. Iske liye bahut sare software bhi aati hai alag alag company ke alag alag software hoti hai. Sabse pahle doctor ki voice ko download karna padta hai aur phir report taiyar karne ke bad upload karna padta hai. Pending nahi rakh sakte ho. Bahut responsible hona padta hai. Ye puri tarah se online job hai. Iske liye apko computer, headphone, foot pedal aur internet connection jaruri hota hai. Report taiyar hone par usko editor ke pas send karna hota aur edit hone bad local company sidhe dusri country ke hospitals or clinic me bhej deti hai internet ke through.

Isme bahut sare job profile hai jaise:


  • Junior Medical Transcriptionist.
  • Senior Medical Transcriptionist.
  • Proofreader.
  • Editor.
  • Quality Analytics.
  • Team Leader.


Aur sabko apne experience ke hisab se salary milti hai. Isme accuracy bahut jyada maine rakhta hai accuracy ke hisab se apki salary hoti hai. Jitni jyada mistake unti kam salary. Koi koi company line count ke basis se payment karti hai. USA me per hour ke basis se salary di jati hai.

Pahle puri report ko hat se type ya punch karna padta tha jise standard transcription kaha jata hai. Abhi bhi bahut sare companies me hoti hai. Ab punching karne le machine hoti hai (Speech Recognition Machine) Ajkal is machine ka use jyada hota hai aur machine ke dyara taiyar ki gahi report ko edit karne ke liye Editor or Proofreader ki jarurat hoti hai. Kyuki machine to machine hoti hai uske pas brain nahi hai to ulta pulta report bana deti hai isliye edit karna jaruri hota hai.

Ab main apko kuch badi company ke nam batati hoon jo ki India me hai.

Nuance.
Mmodal.
Perry Johnson Transcription Service.
iData.
Mediscript.
Accusis India Private Limited.

Bahut sari company Delhi, Mumbai, Chennai, Kolkatta aur abhi to puri India me hai. Lekin South India me jyada hai.

Iski training ap online aur offline dono tarike se kar sakte ho. Ye course 6 maniye ke hote hai lekin 6 mahina bahut kam hai ise puri tarah se sikhne ke liye. Traing ke bad jyadatar company job provide karti hai nahi to placement deti hai.

Medical Transcription course institution

Is kam ko ap home based mode se bhi kar sakte ho. Iske liye apko computer, internet connection aur power backup rahna jaruri hai kyuki ap report pending nahi rakh sakte ho turant finish karne ke bad upload karne padta hai. Iski training ke liye jyada paisa nahi lagta hai 25 se 30 k online course le hota hai aur agar ap centre se karoge to jyada lagta hai lagbhag 35 se 50 k. Ap ise part time ke basis se kar sakte ho. Ye jyadar day shift and night shift dono hota hai. Ajkal jyada night shift ho raha hai.

Medical Transcription Training Center

Medical Transcription Training Center in India

Eligibility:

Ap graduate ke bad training kar sakte hai ya 12th ke bad bhi kar sakte hai. Agair apke subject life science hai to bahut hi achha nahi hai to bhi kar sakte hai. Iski Certificate course bhi hoti hai.

Training me apko bahut sare chije padayi jayegi jaise ki:

  • Human Anatomy.
  • Medical Terminology.
  • Pathology.
  • Pharmacology.
  • Basic Medical Transcription.
  • Keyboard Typing.
  • English Grammar and Style.
  • CIS.
  • Speech Recognition Editing.
American accents ya British accents sunne aur samajhne ki training di jati hai.

Medical Transcriptionist Salary in India

As a Junior MT 10-15 k.
As a Senior MT 20-30 k.
As an Editor 35-45 k.
As a Team Leader almost 50 k uper se incentive milakar 70-90 k ho jata hai.

Ajkal Indian hospitals me bhi bahut requirement hai medical transcriptionist ki.

To agar ap graduate hai ya 12th pass hai to iss field me aa sakte hai. Apki listening power and English thori achhi honi jaruri hai. Housewives ke liye to bahut hi achha profession hai kyuki ap ghar se bhi kar sakte ho.

Main bhi esi field me hoon aur 7 sal se ghar se hi kar rahi hoo.

1 comment: