Google Ads

HOW TO BECOME A TEACHER

HOW TO BECOME A TEACHER IN INDIA WITH NEW B.ED INTEGRATED COURSE?

Hi All,

How to become teacher in India? Aaj main issh topic pe discuss karungi. Aaj main bahut hi responsible, respectable, simple and noble profession ke bare me apko batayungi. Mujhe asha hai ki ap sabko iske bare me pata hai. Phir bhi jinko teaching profession ke bare me achhe se malum nahi ye post unke liye hai.

TEACHER
TEACHER

Mere khyal se teacher woh nahi hoti ya hogi hai jo ki humhe khali books ko follow karke padaye aur usike bare samjhaye balki humare bachho ko kuch jiban ke achhe bure ke bare me bhi jankari de aur humhe har achhi kam ke liye inspired kare aur har bure kamo ke liye humhe achhe se uske bure outcome ke bare samjhaye. Mere kyal se jisse hum kuch sikh paye wohi humhare teacher hai. Isme umar ki koi pabandi nahi nahi hai. Hum apne se kam umar ke logo se bhi bahut kuch sikh sakte hai. Aadmi ki sikhne ki koi umar nahi hoti nahi shikhane ki.

Ye ek aisa profession hai jisme sab ana chahte hai khaskar ladies kyuki ye bahut hi simple, noble, respective, kam samay aur chuttiya bahut jyada hai dusri profession ki tulna me.

Aj main apko teaching ko ap apni profession kaise banaye uski jankari doongi. Teacher banne ke jaruri nahi hai ki aap school aur college me padaye. Koi bhi apni graduate or post graduate karne ke bad ap apne ghar se bhi teaching start kar sakte hai. Jaise tution dekar aur coaching classes me padakar. Ajkal coaching classes ka bharmar hai India me. Koi bhi stream me jaiye sabke alag-alag coaching institute hai chahe woh medical field ho, engineer ho, government job ho, Banking ho, ya UPSC, IAS koi bhi field ho.

Coaching institution me Salary package bhi acchi hai lekin apko experience hona chahiye padane ka.
Ap chahe to online platform se bhi shuru kar sakte hai. Iske liye ap youtube me apna channel khol sakte hai aur apni gyan sobse share kar sakte hai. Social media se bhi ap apna gyan bat sakte hai. WhatsApp se bhi suru kar sakte hai. Isse apki popularity badegi aur ap achhe institute or coaching centre join kar sakte hai. Koi koi institution to 8-9 k/pa bhi offer karte hai.


ELIGIBILITY CRITERIA TO BECOME A TEACHER IN INDIA

Aap main apko school me padane ke liye kya-kya criteria hai apko batati hoon. Pahle agar aap graduate hai to 45% se 60% marks ke sath kisi bhi stream se to aap teacher profession me apna career shuru kar sakte the B.Ed, ke bad lekin abhi aap agar 12th pass hai to 4 year ka new integrated B. Ed course karke as a teacher career start kar sakte hai. TGT ke liye B.Ed must hai. Lekin aap primary teacher ya Montessori teacher banna chahte hai aap D.EL.ED ya E.T.T. course bhi kar sakte hai.

What Is New B.Ed (Bachelor in Education) Integrated Course?

B. Ed Training lene ke liye aapko graduate hona must tha pahle. Graduate hone ke bad B.Ed training le sakte the lekin abhi 2019 se aap 12th ke bad hi Bed with integrated course kar payenge matlab 2019 se aap 4 years graduation plus B.Ed training le sakte hai. Bed ki 4 years integrated course aap kisi bhi NCTE approved college se kar sakte hai.

New integrated B.Ed course 4 year ka hoga jisme aap direct teacher banne ke liye eligible candidate ho jayenege.

New course me admission lene ke liye aapko Common Eligibility Test pass karna hoga tab hi aap admission le sakenge koi NCTE approved college se.

Pahle 1-year ka B.Ed course hota tha. Phir 2 year ka hua aur ab 4 year ka BeD course hoga jisme graduation ke sath sath Bed bhi complete ho jayegi matlab teacher banne ke liye 12th pass ke bad hi integrated course karna hoga.

Ye course jyadatar University ya college me hota hai lekin kisi NCTE approved university ya college se karna sahi hota hai. Ajkal admission on line mode se hota hai aur kuch college me entrance ke through selection hota hai. Private college me bhi ye course hota hai lekin fees thoda jyada lagta hai.

B.Ed Training ke liye government college me lagbhag 50,000 se 1.5 lakh tak fees lagti hai. Different states me different fees structure hai. B.Ed karne ke bad apko koi- koi college placement provide karti hai private school me. Ap IGNOU se bhi kar sakte hai, yadi aap corresponding course karna chahte hai to iss me apko kam paisa lagenge but select hona hi bahut jyada tough hai, entrance hote hai.

IGNOU

Details about D.EL.Ed NIOS Training

Hal hi me sarkar ne ek new diploma course start kiye hai Diploma in Elementary Education (D.EL.Ed) 2-year ke liye liye jinke pas B. Ed nahi hai aur already koi school me padate hai ye course unke liye hai aur isme paisa bhi bahut kam lagta hai around (12,000 Rs). Ab sab candidate ke liye start ho gaya hai. Ye thora kam feeswali course hai. Iske karne ke bad aap primary school me bhi pada sakte hai.

Koi bhi Central school ya CBSE (Central Board of Secondary Education) school me job pane ke liye aapko B.Ed karne ke bad ek Central Teacher Eligibility Test (CTET) exam ko pass karna hota uske bad hi ap apply kar sakte hai Central school me.

Har state ki alag-alag teacher eligibility test hote hai usme qualify karne se state government under me jo school hai usme apply kar sakte hai ya job kar sakte hai.

Aajkal CBSE board wale private school me bhi padane ke liye CTET exam clear karna padta hai.

Pahle teaching sabse easy profession mana jata tha aur sab isme ane lagte the chahe usko padana ata ho ya nahi to iss profession me bhir jyada go gayi to sarkar me pas itni naukri nahi hai isliye sarkar abhi teaching profession me bahut strict ho gaye hai. Kyuki akhirkar ek teacher hi bachho ki future banane me madat karte hai aur bachho ko sahi aur galat ka bhed samjhate hai.

Details about Elementary Teacher Training (E.T.T.)

Montessori or elementary school me padane ke liye eligibility criteria kya hai? E.T.T training ke minimum qualification 12th pass hais. Elementary Teacher Training (E.T.T.) ke bad aap primary ya monastery school me teacher ban sakte hai. Elementary teacher training bhi 2 sal ka course hota hai iske fees lagbhag 5000 se 2 lakh tak ke hoti hai. Iss course ke complete hone par ap Elementary school or primary school me pada sakte hai. Aap IGNOU se distant mode me kar sakte issh course ko lekin koi bhi training regular mode me bhi kar sakte hai.

E.T.T.

Aajkal education ek businesses ban gayi hai aapke pas agar jagah aur capital hai to ap franchise bhi le sakte hai Preschool, Montessori or elementary school ki. Bahut sare bade bade school Franchise provide karte hai.

TEACHER
TEACHER
SALARY OF A TEACHER IN INDIA

Aap main aapko ek government school teacher ki salary batati hoon high school teacher ki salary kariban 40-50 K hoti hai aur primary teacher ki salary lagbhag 25-35 K hoti hai.

Koi-koi Private school me as per government rule salary hote hai lekin jyadatar school me kam salary milte hai as compared to government school.

ELIGIBILITY CRITERIA OF A PROFESSOR IN INDIA

College me professor banne ke liye aapko Master degree with 50% to 55% marks ke bad NET exam qualify karna hota hai aur Ph.D with regular basis classes hona jaruri hai naki corresponding. Pahle aap khali Master degree karne ke bad aap professor ban sakte the lekin abhi aapko sabse pahle Master degree ke NET qualify karke Ph.D karna padega phir aap eligible honge profession banne ke liye.

SALARY OF A PROFESSOR IN INDIA

Professor's ki salary almost 1,00000 - 135,000 hota hai. Assistant professor aur part-time professor ke salary alag hote hai. Professor salary to bahut hai lekin abhi bahut tough ho gaya hai professor banna NET Entrance exam clear karna padta abhi to Ph.D bhi compulsory ho gaya hai.

Teaching profession me competition bahut jyada hai population ki bajah se aajkal ek trend sa ho gaya hai jisko koi job nahi milta hai woh teaching profession me aa jata hai.

Agar ap sarkari school ya college ke padana nahi chahte ho to tution start kijiye aur experience kijiye aur apna coaching centre khol lijiye. Issme bhi future hai aur achhi kamai hai.

Conclusion
Agar aapke pas capital aur jagah hai to private school bhi khol sakte hai. India me private school ke bharmar hai and har koi apne baccho ko private school me padane me interest rakhte hai. Private school ke liye affiliation chahiye hota hai unke kuch rules or guidelines hote hai unko ap follow karke education ke field me businesses shuru kar sakte hai kyuki India me abhi 2 hi businesses popular hai ek to hospital or health care aur dusra education bahut hi jyada profitable. Kyuki kuch bhi ho jaye aadmi apne bachho ko achhi education dena chayega aur bimar admi apna treatment jarur karayega.

Post a Comment

1 Comments