Monetary Plants

26 September 2018

DAIRY FARM BUSINESS KAISE START KARE

DAIRY FARM BUSINESS KAISE START KARE

Dairy Farm
Dairy Farm

Hi Friends,

Aaj main apko Dairy Farm ke bare jankari doongi. Pahle jante hai dairy farm ke bare me ki kaise aap isse start kar sakte hai aur munafa kama sakte hai. Dairy farm me cow (gai), buffalo (Bhais), goat aur bher ko pala jata hai aur unse milnewali dudh (mil)k ko bazar me becha jata hai. India sabse jyada milk producing country hai.

India me almost 60% se 70% log farming karte hai aur ajkal farmer bahut hi difficult situation me hai aur bahut jyada suicide kar rahe hai issliye agar farmer ko agar crop farming se faida nahi ho rahi to dusri farming kar sakte hai jaise fish farming, dairy farm, flowers farming, vegetables farming, herbs farming.

Dairy farm India me bahut hi popular business hai kyuki dudh ya dairy products sabhi use karte hai chahe woh vegeterian ho ya non-vegetarian. Dudh se sab kuch banta hai jaise ki butter, ghee, sweets, paneer, ice-cream, dahi, cheese aur ye sab chije kisko pasand nahi hai? Iski demand to puri duniya me hai.

Dairy farm bahut hi achha business hai lekin pahle isske bare jankari chahiye. To agar aap dairy farm kholna chahte hai to sabse pahle NDDB (National Development Dairy Board) iski jankari ya training le sakte hai aur Dairy Farm start kar sakte bhi.

NDDB Service ke bahut sare branches India me hai jo ki Dairy Farm kholne ke liye help karte hai aur training bhi deti hai Farm kholne ke liye aur Dairy Farm ke bare me jankari bhi deti hai. Loan ki subidha bhi kar deti hai.

Cattle Farm
Cattle


Eligibility

Agar aap pade likhe hai to aap iss business ko shuru kar sakte ho agar nahi bhi ho to kar sakte ho. Lekin iss businesses me physically active hona bahut jaruri hai. Isme bahut mehnat lagti hai aur start karne se pahle har tarah ke Jankari lena jaruri hai nahi to aapko labh ki bajay hani bhi ho sakti hai.

Kaise Start Kare

Agar aap ke pas jamin hai to achha hai agar nahi to aapko lease me jamin lena hoga kyuki dairy farm ke liye jagah to chahiye. Agar apke pas jyada jamin hai to aap bada farm se shuru kar sakte hai issme munafa jyada rahega. Nahi to aap chote se shuru kar sakte hai. Kam se kam aap agar 15 se 20 janwaro ke sath karenge to achha rahega. Cow ke tulna me buffalo jyada dudh deti hai. Cow bhi thik hai dairy kholne ke liye. Goat ya sheep kam dudh deti hai to dairy farming cow ya buffalo se shuru karne se achha rahta hai.

Sabse pahle aap apni area ke market me jakar pata kare market me cream ya non-cream dudh ka demand jyada hai phir us hisab se cow ya buffalo kharid sakte hai. Cow ke dudh me fat kam rahta hai aur buffalo ki dudh me jyada fat hai. Phir apko weather ke hisab se cow ya buffalo ke breed ya nasl kharidne chahiye. Kyuki sab jagah me sab nasl ya breed ke janwar nahi rah sakte bimar jaldi ho jayenge. Isliye apne area ke weather ki hisab se kharide cow ya buffallo. Aap dono bhi rakh sakte hai farming ke liye.

Main aapko kuch Dairy Farm ke liye suitable breeds ke bare batati hoon ye breeds bahut hi achhi hai Dairy Farm ke liye

Cow Breeds (Nasl)

  • Sahiwal
  • Gir
  • Sindhi
  • Tharparkar

Buffalo Breeds

  • Murrah Buffalo.
  • Nagpuri.
  • Carabao.
  • Nili-Ravi.
  • Surti.
  • Mehsana.
  • Bhadawari.


Kharidne ke samay janwaro ki Health, Age, Khurak, Productivity, Vaccination ke bare me jankari lekar kharide jo ki bahut jaruri chize hai. Ek gai lagbhag 10 se 12 sal tak jiti hai aur lagbhag 1.5 ke age me bachhra janne ke liye ready ho jati hai to lagbhag 8-9 sal tak dudh dene ke layak rahti hai.

Dairy Farm Start Karne Ke Liye Kuch Important points


Shelter

Janwaro ke rahne ke liye kam se kam har har ek ko 10 feet x 5 feet square feet jagah honi chahiye taki ye thik se baith aur ghum phir sake. Shelter me ventilation ke liye khula hua area chahiye kam se kam dono taraf. Garmi me shade ya chhao ke liye bhi plants ya kuch aur tarika apnana chahiye taki unhe taklif na ho. Janwar garmi me jyada bimar padte hai isliye khyal rakhna chahiye.

Floor me ek side thora down hona chahiye taki drainging me asubidha nahi ho cleaning karte waqt.

Cow and calf
Cow and Calf

Cleaning

Dairy Farm ke liye sabse important part hai ye. Shelter ko hamesha clean rakhna chahiye taki janwar kam bimar pade aur healthy rahe tabhi to dudh achhi milegi aur bachhre bhi healthy honge.

Vaccination

Vaccination hamesha thik samay me karte rahna chahiye taki bimari se bacha rahe. Veterinary doctors ke observation me rakhna chahiye janwaro ko. Agar bimar bhi pade to elaj jaldi se karna chahiye.

Food ya Chara
Janwaro ke chara ka thik tarah se khyal rakhna chahiye taki unki productivity jyada ho aur woh healthy rahe aur healthy bacchre ko janm de. Unhe nutritionwala chara khilane chahiye jaise ki  Green Fodder, Dry Fodder, Mineral Fodder taki dudh jyada mile (green grass, paddy straws, oiled cake, Maize oil, Chana Churi, Guar meal, Sunflower seed). Sab milakar dena chahiye jaise ki Sukha chara, Bhiga chara aur minerals added chara. Chara aap ghar me bhi taiyar kar sakte ho unki bhi machine aati hai aur market me bhi milta hai. Ghar me taiyar karne se achha hai.

Water
Janwaro ko hamesha clean water deni chahiye pine ke liye din me kam se kam 3 se 30 gallons pani pi leti hai unko weather, weight, size, age aur milk productivity stage ke hisab se pani deni chahiye.

Unhe nahlate rahna chahiye healthy rahne ke liye khaskar garmi me. Farm ko daily basis se clean karna chahiye.

Saf safai ka dyan rakhna chahiye nahi to unke skin me kide lagenge and bimar padenge isliye saf safai ka dyan thik se rakhna chahiye.

Investment

Dairy farm kholne ke liye government se loan ki subhidha hai. Dairy Farm start karne ke liye 10 lakh tak lòan mil jati hai minimum 65% amount tak ki loan bank se approved ho jati hai aur 15% se 20% amount NGO jaise sansthano mil jati hai to apko sirf 20% se 25% amount investment karne jarurat padti hai. Apke pas agar jyada capital nahi hai to small dairy farm se start kar sakte hai.

Buffalo ke dam lagbhag 80000 se 150000 Rs hai.

Cow ke dam 50000 se 150000 Rs hai.

Dudh nikalne ke machine lagana sahi rahta hai usse hygiene maintained hota hai aur easy tarike se dudh bhi nikal sakte hai aur jaldi bhi ho jata hai.

Milk suction machine for cows
Dudh nikalne ke machine

INCOME

Dairy Farm se aap dudh bechkar income kar sakenge, bachhra bechkar, gobar, Gai ke urine bechkar bhi income kar sakte hai. Aap agar chahte hai income achhi ho to Big ya Mid dairy farm se start kijiye tab aapko munafa dikhai dekha. Dudh ko aap market me supply kar sakte hai ya aapke area me jo Dairy Farm Company hai unhe supply kar sakte hai ya apni Dairy Farm ki Company khol sakte hai.

Dairy Farm me ek gai se din me kam se kam 2 se 3 bar dudh nikalte hai joki lagbhag 8 se 12 Litres tak bhi hote hai ye unki breed ya weight ki hisab se hoti hai aur unki dekhbhal ki tarike me depend karta hai. Buffalo ek din me kam se kam 8 se 16 litres tak dudh deti hai.

Aur ek bat dudh me milawat mat kijiye agar aap apne janwaro ka khyal apne bachho ke jaise rakhenge to aap ko munafa jarur hoga aur apni dairy farm ko badane sakenge.

To aap bhi apna Dairy Farm start kar sakte hai agar apko interest hai to aur mehnat karne ke liye ready hai to. Dairy Farm me mehnat bahut lagti hai kyuki aap jitni staff rakhenge unko payment bhi to karna padega issliye khud mehnat kijiye and apni family ko bhi help karne boliye aapki business me kyuki Dairy Farm chalana ekele ki bat nahi hai.

No comments:

Post a Comment