Monetary Plants

Drop Down MenusCSS Drop Down MenuPure CSS Dropdown Menu

31 December 2018

BUSINESS UNDER 50,000 K WITH SUPER-DUPER INCOME PART 3

"HAPPY NEW YEAR 2019 TO ALL OF MY FRIENDS AND VIEWERS"



BUSINESS UNDER 50,000 K WITH SUPER-DUPER INCOME PART 3

11. FRUIT SELLING BUSINESS: Aap iss business ko bahut hi kam budget me start kar sakte ho. Iss business ke liye aapko ek stall ya thhela gadi ki jarurat padegi. Phir kuch fruits kharidkar aap apni business start kar sakte ho. Aap gali gali me ghumkar ya ek jagah apni thhela lagakar fruits sell kar sakte ho. Aap iss business badi asani kar sakte ho.

Oxidized jewelry
Oxidized jewelry

12. OXIDIZED JEWELRY BUSINESS:  Iss business ko aap bahut hi kam investment shuru kar sakte ho. Aajkal oxidized jewelry ki demand bahut jyada hai aur sabhi ko bahut pasand ate hai. Isme bahut variety ke jewellery ate hai. Aajkal to oxidized me bhi bahut sare color ate hai jaise ki silver, Steel, gold, black colour. Iss business ke liye aap kisi bji wholesale market se jewellery kharidkar aap ghar se sell kar sakte ho. Aap social media ke jariye bhi sell kar sakte ho. Aap apni jewellery ki pictures post kar karke advertisement kar sakte ho social media me isse apko order milenge.

Clothes
Clothes

13. GARMENT KI BUSINESS:  Iss business ko aap ghar se bhi kar sakte ho. Sabse pahle aap kuch paisa lagakar clothes kharid le wholesaler se phir ghar se hi bechna start kar de aur social media ka use kare advertisement ke liye. Ladies garment jyada prefer de jaise ki saree, nighty, palazzo, kurti, aur salwar suit. Aap kids garments bhi rakh sakte ho kyuki mere hisab se kapre jyada taur ladies aur bachhe ke hi bikta hai gents ki tulna me. Aap seasonal kapre bhi bech sakte ho.

Roadside book stall
Roadside book stall



14. BOOK STALL: Aap ye business bahut kam investment me shuru kar sakte ho. Iss business ke liye apko ek stall ya thhela ki jarurat pedegi ya roadside me dukan lagakar bhi start kar sakte ho. Aap apni stall me har tarah ke books rakhe jaise ki school, college, competitive exams, novels, comics, cooking, travelling, har tarah ke. Aap purini kitabo ki se bhi shuru kar sakte ho issme kam kharcha ayega. Books aajkal purana bhi chalta hai. Pahle aap purani kitabo ki collection kar le ya kharid le. Paperwale ke pas me purani kitab milti hai aur aap wholesaler se books kharidkar business start kar sakte ho. Aap thhela ya roadside stall laga sakte ho daily.

15. ROADSIDE TOYS STALL: Agar apke pas store hai to bahut achha nahi aap roadside thhela ya stall lagakar toys ya khilona bech sakte ho.

Toys Stall
Toys Stall

Issme sabse pahle khilona ya toys kharid le wholesaler se aur market place ya roadside khilona ka stall laga de ya thhela lagakar bechna start kare. Market me bahut log atte hai to apki bikri achhi hogi. Bachche bhi ate hai market me apni parents ke sath toh bikri honi chahiye. Aap har tarah ke khilona bech sakte ho jaise soft toys ya remote se chalnewali ya plastic ke.

Ye Bhi Pade: 

Low Investment Business Part 1

Low Investment Businesses Part 2



16. FRUIT JUICE STALL: Ye sabse trending business hai aajkal kyuki aajkal sob koi health cautious ho gaya hai. Junk food chodkar aajkal log juice pina pasand karte hai. Sabse pahle ek joicer kharid le aur sabhi kism ke fruit juice banakar pilaye customer ko unke demand ke hisab se agar aap koi badi hospital ke samne apni thhela ya stall laga sakte ho to bahut jyada munafa hoga. Aap narial pani bhi bech sakte ho. Aap market place apni thhela lsga sakte ho.

Fruit juice
Fruit juice

Conclusion
Koi bhi business karne se pahle puri jankari hasil kar le aur marketing ka kyal rakhe. Aap online bhi advertisement kar sakte hai aur offline bhi. Online advertisement karne ke liye aap social media ka istemal kar sakte hai isse aapko customer ya orders bhi milenge apni products bechne ke liye. Ishliye koi bhi business karne se pahle kaha aap apna products bech sakte hai pata kar le aur raw material ka bhi. Raw material kharidne se pahle achhi tarah chhanbin kar le price ke aur quality ke.

All The Best For All! Please share it!

26 December 2018

BUSINESS UNDER 50000 K WITH SUPER-DUPER INCOME

BUSINESS UNDER 50000 K WITH SUPER-DUPER INCOME


Phenyl
Phenyl

5.  Phenyl Making Business: Iss business ko aap bahut hi kam investment se shuru kar sakte ho matlab 50,000 ya usse bhi kam me. Phenyl banane ke liye pahle to license chahiye hota hai phir aap phenyl banakar bech sakte ho. Phenyl banane ke liye ek weight machine, measuring mugs ya jug, concentrated phenyl, pani, aur rang ya colour ki jarurat padegi. Agar aap apne product me perfume ke liye perfume bhi use kar sakte ho. Packaging ke liye bottles aur lebeling ki jarurat padegi. Isme bahut kam investment ki jarurat hoti hai. 1 L concentrated (compound) phenyl ki price lagbhag 100 se 200 rupaya hai aur 1 L concentrated phenyl se 10 se 20 L phenyl bana sakte ho. Bottles bhi apko 4 se 5 rupaye mil jayenge market me. Water Colour bhi aap add kar sakte ho. Colour ki kimat bhi khas nahi hoti hai. Aap apne nam ki ya company ke nam lebels print karke chipka sakte ho aur market me bech sakte ho.

Process of making:  Phenyl banana bahut easy process hai concentrated phenyl se. Khali apko 950 ml pani me 50 ya 100 ml concentrated phenyl mix kar dena hai aur achhi tarah milakar phir colour add karke bottle me bharkar lebel lagakar bechna hai bahut easy process hai. Aap iss business ko 50000 k ke ander shuru kar sakte ho. Phenyl making machine bhi hai lekin ye bahut costly hai lagbhag 70,000 K hai. Iski capacity 1000 L/8 Hour hai. Apke pas agar jyada paisa hai to aap machine bhi le sakte ho.

6.  Hand Wash Making Business:
Hand Wash
Hand Wash
Aap iss business ko bahut kam investment me shuru kar sakte ho 50000 ke ander. Ye bahut hi popular business hai jo asani shuru kiya ja sake. Iske liye sabse pahle aapko bottle, measuring mugs ya jugs, aur lebels bhi lagenge. Hand wash banane ke liye apko niche diye gaye samano ki jarurat padegi.


  • SLES (Sodium Laureth Sulfate).
  • Glycerin.
  • Pearl powder.
  • Perfume.
  • Water colour.
  • Salt.
  • Water.

Raw materials apko bahut kam paise mil jayenge.

Process of making: Concentrated hand wash banane ke liye sabse pahle apko 1 L SLES me 10 g glycerin, 10 g perfume aur 1 g pearl powder, phir 1 g colour milakar achhi se gholna hoga iss tarah se apki concentrated hand wash taiyar ho jayegi. Phir 3 L pani 200 g namak ko milakar phir concentrated hand wash ko achhi se gholna hoga iss tarah apki concentrated hand wash thick ho jayegi. Ghar me issi tarah se sab hand wash banakar market me bech rahe hai. Phir isse bottle me bharkar labeling karke market me bech sakte ho. Aap apni business ki advertisement ke liye social media ka use kar sakte ho. Ye ek small business hai.

7.  Chips Making Business: 

Potato Chips
Potato Chips
Chips khana sabhi ko pasand hai issliye market me bahut sare branded chips company bahut munafa kama rahe hai. Lekin branded chips packet me hawa jyada hota hai aur chips kam. Issliye bahut sare small company bhi rise kar rahe hai. Chips banana bahut hi asan hai khaskar potato chips. Ye business bahut kam investment me shuru kar sakte ho. Potato chips banane ke liye aapko khali potato (aaloo) oil, chat masala, red chilli poweder chahiye.

Process of making: Ye bahut asan hai pahle aap 5 kg potato (aaloo) se start kijiye. Potato chips banane ki liye sabse potato ko chilkar phir use pani me dubokar rakhe phir slicer se katkar use namak pani khuch der chor de 2 ya 3 minute ke phir pani nikalkar ek clean towel me dal de aur halke hato se badaiye. Phir use fan ya dhup me 30 minute ke liye chor de ya phaila de. Phir kadai me oil garam karke use brown hone tak fry kar le. Phir unme chat masala, black pepper, red chilli poder upor se chirak de bas apki kure kure chips taiyar. Phir usko packet me bharkar, apni company ka label lagakar ya bina lebel ke bhi market me bech sakte ho ya supply kar sakte ho. Ye bahut hi tasty chips honge aur apko order jarur milenge. Khali achhi quality ka tel (oil) use kijiyega. Aap apna chips ko social media ke jariye advertise kar sakte ho. Apko achhe order milenge. Chips banane ke machine ate hai lekin ye bahut costly hote hai.

YE BHI PADE AUR JANE

BUSINESS UNDER 50000 K

Businesses under 5 k to 10 k part 1

Low Investment BusinessesPart 2

Small Investment Business Part 1


8.  Mobile Recharge Shop:  Mobile ke bina aajkal koi bhi nahi rah sakta hai.  Mobile sabse jaruri chij ho gayi issliye esko hamesha up-to-date rakhne ke liye recharge karna bahut hi jaruri hai iss liye aap ye business bahut hi kam investment se shuru kar sakte ho 50,0000 ke ander. Sabse pahle ek store le lijiye aur setup karke apna businessstart kar dijiye. Agar apke pas store nahi hai to ghar se bhi start kar sakte hai lekin ghar achhi location me honi chahiye. Isme khali apko mobile chahiye aur kuch paise ka recharge karna padta hai company se aap 5000 aap shuru kar sakte ho ya documents chahiye honge jaise ki bank account number, Identity card. Agar apko store mil jaye to ek desk bana lijiye aur shuru kar dijiye apni recharge ki business. Recharge karne ke sath-sath aap apni dukan me dusri saman bhi rakh sakte ho jaise mobile accessories.
Mobile
Mobile

9.  Photography Business:  Aapko agar photo khichne ki hobby ho to iss business ko start kar sakte hai. Iss business ko start karne ke liye aapke pas ek achhi quality ke (DSLR) camera chahiye. Phir aap apni kichi photos ko social media me post karte rahe aur apni business ke bare me advertise karte rahe jaise ki aap koi bhi event me photography karte hai jaise ki wedding, reception, Rice ceremony, Baby shower, Engagement party, opening ceremony. Agar aapki photos sabko pasand ayenge to apko jarur order denge iss tarah apki business chal padegi. Iss business me investment jyada ayenge. kyuki achhi lens wali camera ki price jyada hai aur party me shoot karne ke liye other necessary saman bhi lagenge jaise front lights, cable, lenses. Agar aap professional photographer hai to koi bat nahi aap kabhi bhi isse start kar sakte ho.

Camera
Camera

10. Cooking Classes:
Agar aapko achhi cooking ati ho to aap iss business ko shuru kar sakte ho. Bahut hi kam investment me. Aajkal kisi ko bhi samay nahi milta ki woh ghar me hi apni maa se cooking shik sake issliye cooking ke liye alag se course karna jyada pasand karte hai. Kyuki course me bahut sare recipes shikaye jate hai aur cooking ke liye har chij bariki se shikhaya jata hai. To aap ko agar cooking achhi ati ho to aap bhi cooking classes khol sakte hai aur sobko cooking sikha sakte hai isske liye pahle apko koi kism ke cousin ya recipe ani chahiye. Aap bahut sare to online bhi sikh sakte hai aur apni student ko sikha sakte ho. Cooking class shuru karne ke liye apko kuch khas saman ki jarurat padegi jaise ek Gas oven ya induction, micro oven, utensils, aur ek kitchen ya desk ya table ya setup aur cooking ke saman jaise, masala, oil, vegetables, rice, aata, maida, non-veg items.

Chopping
Chopping
Conclusion
Koi bhi business karne se pahle puri jankari hasil kar le aur marketing ka kyal rakhe. Aap online bhi advertisement kar sakte hai aur offline bhi. Online advertisement karne ke liye aap social media ka istemal kar sakte hai isse aapko customer ya orders bhi milenge apni products bechne ke liye. Ishliye koi bhi business karne se pahle kaha aap apna products bech sakte hai pata kar le aur raw material ka bhi. Raw material kharidne se pahle achhi tarah chhanbin kar le price ke aur quality ke.

All The Best For All! Please share it!

24 December 2018

BUSINESS UNDER 50000 K WITH SUPER INCOME

BUSINESS UNDER 50000 K WITH SUPER INCOME

Idli
Idli
1.  Idli ya Dosa Stalls: Aap bahut hi kam investment se iss business ko start kar sakte ho. Pahle to Idli, Dosa South Indian logo ke favorite food thi lekin aajkal puri India ke log isse bade chao se khate hai aur bahut healthy dish bhi hai. Idli, Dosa puri world famous ho chuki hai. Aajkal to automatic idli making machine  bhi mil rahi hai market me.  Lekin usme bahut kharcha hai. Agar apke pas jyada paisa nahi hai to aap iss business ko 10,000 se 15,000 K se bhi shuru kar sakte hai. Jaise ki ek Idli maker machine kharid lijiye aur ek urad dal wet grinder machine le lijiye then start kar sakte hai. Agar apke pas Stall lene ke liye paise nahi hai to aap ghar se bhi start kar sakte hai aur school ke bahar me bech sakte hai ya office me supply kar sakte hai. Agar aap stall arrange kar sakte hai to bahut hi badiya hai to aap apni roadside stall chalu kar sakte ho. Ish business me jyada chije nahi lagegi. Sabse pahle apko Idli ya dosa banana shikna hoga aur utensil bhi arrange karni padegi jaise ki Idli ki mould, dosa ki tawa aur bahut sare utensils agar aap khud nahi bana nahi sakte hai to apko cook rakhna hoga lekin isme kharcha jyada ayenge.

Idli ya Dosa taiyar karne ke liye
  • Dal (urad dal)
  • Rice Flour
  • Chana dal.
  • Coconut.
  • Mustard seeds
  • Salt.
  • Methi (fenugreek seed).
  • Kadiya patta.
  • Onion.
  • Adrak.
  • Nuts.
  • Potato.
  • Carrot.
  • Green Chilli.
  • Red Chilli.

Aap iss tarah apni saman jugad karke Idli ya dosa ki roadside stall laga sakte ho aur apna business start kar sakte to.


Papad
Papad

2.  Papad Making Business:  Aap Papad ki business bahut hi kam investment me shuru kar sakte hai. Papad India ki bahut hi demanding food item hai. India se laghbhag 45 country me papad ka export hota hai issliye eski demand aap soch sakte ho kitni hai. India me bhi iski demand bahut jyada hai. Papad banate kaise hai iske liye workshop bhi chalaya jata hai NGO ke taraf se ya Aagan Badi ke taraf se. Government ki taraf se load ki subidha bhi di jati hai India me.

Papad banane ke liye aapko ye sob saaman chahiye,
  • Dal (Gram flour, Urad dal ki flour).
  • Heeng.
  • Black Pepper.
  • Ajwain.
  • Oil.
  • Baking Soda.
  • Salt.
Aap koi aur bhi jaise jeera, dhaniya masala add kar sakte ho market ki demand ki hisab se. Papad ko aap koi tarah se kha sakte ho fry karke, jalakar, sabji dalkar. India me koi bhi occasion ho khane ke sath papad rahta hi hai.

Papad agar aap hat se banayenge to kam kharcha me shuru ho sakta hai lekin usme mehnat bhi jyada hai aur aamdani bhi kam. Aap agar machine use karenge to jyada accha rahega jaise dough banane ki machine, pressing ke machine, drier ya sukhane ki machine, cooling and packing ke machine. Sab aajkal milte hai market me sakte hai lekin usme jyada investment chahiye sabse pahle aap hat se banaiye phir dhire dhire machine le lijiye. Machine bhi koi kism ke ate hai semi-automatic and Fully Automatic. Fully automatic machine ke price laghbhag 1,20000 Rs hai. Papad bhi ab bahut tarah ke ane lage hai market me jaise ki sabudane ke papad, rice papad aur har size ke papad, koi color ke.

Ye Bhi Pade: 

Low Investment Business Part 1

Low Investment Businesses Part 2



3.  Wadi (Warri) making Business: Papad ya wadi India ki famous chije hai jo ki puri duniya me famous hai. Khaskar Amritsari Papad (Warian) ya wadi (Warri).



Urad Dal
Urad Dal
Khaskar humhare yeha wadi bahut hi khas chij hai jis bhi sabji me dala jata hai uski taste bad jati hai. Issliye India me iski ek alag hi level ki demand hai aur issliye iski demand badti ja rahi hai puri duniya me India eski sabse badi exporter country hai.

Dal ki wadi ki bahut hi demand hai aur ye banana bhi bahut asan hai. Iske liye aapko koi khas investment nahi chahiye. Aap iss business ko khali 5000 se 10,000 Rs se shuru kar sakte ho.

Wadi Banane ke liye aapko niche diye gaye saman ki jarurat padegi. Aap apke area ke hisab se badi me masala add kare kyuki koi jyada masala pasand karte hai to koi jyada masalewale badi pasand nahi karte hai. Issliye market ki demand ki hisab se masala dale. 
  • Dal (Lentils). Dal aap koi bhi use kar sakte hai Urad dal ki badi ki jyada demand hai. Aajkal musur dal aur moong dal ki badi bhi market me available hai aur log isse bhi pasand kar rahe hai.
  • Heeng.
  • Saunff.
  • Adrak.
  • Coriander.
  • Black pepper.
  • Red Chilli power.
  • Ajwain.

Wadi banane ke liye aap koi bhi grinding machine se piskar phir dhoop me isse sukhakar market me sale kar sakte ho. Pahle to sab sil batte ya Portar Pestle se dal ko pisa jata tha jo ki bahut tasty bhi hota tha wadi ki lekin ajkal mixer grinding machine ka use hota hai aur badi banane ke fully automatic machine bhi milti hai jo bahut costly hota hai. Fully automatic machine ke price 1, 80000 Rs hai. Iss business ko aap bahut hi kam investment me shuru kar sakte hai. Aap apni product ki advertisement ke liye social media jaise platform ka use kar sakte hai.

4. Pickle Making Business: Pickle ya achar ke nam sunte hi sabke muh me pani aa jata hai. India ke logo ko pickle ya aachar bahut pasand hai aur India ki achar ki demand puri duniya me hai. India me aachar bahut tarah ke paye jate hai jaise ki Aam ki (mango Pickle), Mirchi ki aachar, Beetroot pickle, Carrot pickle, cabbage pickle, Onion pickle, Lime pickle, Mixed pickle, Amla ki achar, Olive ki Achar, garlic aur bahut sare yeha tak ki Shrimp ki bhi achar milti hai India me. India ki achar bahut popular hai puri duniya me.

Agar aap bhi iss business ko start karna chahte ho to sabse pahle Achar banana sikh le internet se ya ghar ke kisi bujurg mahila se kyuki achar banana India me jyadatar logo ko pata hai pahle to sabke ghar me prepare kiya jata tha lekin aajkal ready made kharidte hai. India me har ek state me alag alag swad ke Achar milte hai aur unhe banane ki method bhi alag hoti hai. Achar bahut kisk ke hote jaise masala achar, mithha achar, sour (khatta achar). Mithha achar banane ke liye gur ya chini ka use hota hai.

Achar banane ke aap jis chij ki achar banana chahte hai woh le le aur sab masala ko kutkar phir tel, haldi, milakar, jar me bharkar dhoop de de aur ready hone pad packing karke bech de.

Aam ki achar (mango pickle)
Aam ki achar (mango pickle)
Achar banane ke liye aapko bahut sare masale ki jarurat padegi jaise ki
Oil, Saunff, Fenugreek seeds, Sarson (mustard seeds), Kalonji, Ajwain, Salt, (Jeera, Dhaniya), Turmeric powder, Amchur powder, Chilli yes sab masalo ko roast karke phir kutkar haldi, tel, namak dal kar dhoop me rakh diya jata hai phir taiyar hone par use becha jata hai. Alag alag state me alag-alag tarike se banate hai jaise ki dhoop me rakhkar ya cook karke.  Alag-Alag state me alag-alag masale bhi use kiya jata hai. To aap bhi agar achar banane me expert hai ya sikhkar isse apni income ki jariya bana sakte hai aur apni naam ki level lagakar bech sakte hai.

Main apni next article me aur bahut sare aise business ke bare batayungi jo ki 50000 K se shuru kiya ja sake.

Agar aapko meri ye article achhe lage to share jarur kijiyega.

20 December 2018

RAS FISH FARMING (RECIRCULATING AQUACULTURE SYSTEM) HUGE INVESTMENT AND HUGE INCOME


RAS FISH FARMING (RECIRCULATING AQUACULTURE SYSTEM) HUGE INVESTMENT AND HUGE INCOME

RAS SYSTEM
RAS SYSTEM


RAS system bahut hi unique fish farming system hai puri duniya me. Iss system me karcha to bahut hai lekin production bhi jyada hai. Iss system me gande pani ko filter karke phir usiko circulate ya fish tank me dala jata hai. RAS system me pahle gande pani ko mechanical filter me phir use Bio filter, uske bad protein skimmer tank phir Carbon dioxide degasser, pH filter, UV filter se hote hue phir pani ko fish tank me bheja jata hai. Ek word me kahe to pani ka recycling hota hai.

RAS system Bio Filter bahut hi jaruri chij hai jisme lakho faidemand bacteria hote hai jo pani me ammonia gas to nitrate me convert kiyakar dete hai jisse fish ko khana aur jaruri chije thik se mile.

Iss system se aap har kism ke fish farming kar sakte ho. Iss system me aap sal me 3 bar fish farming kar sakte ho matlab har 4 mahine me apke fish ready ho jayenge market me bechne ke liye. 

RAS system me pani ki quality ko balancing kiya jata hai jaise ki pH value, carbon, oxygen, nitrogen, chlorine, hydrogen ki levels ko pata karke aur ye sab elements ko balance kiya jata hai. Issme pani ko recyle kiya jata hai aur pani ko phir se tank me dala jata hai isse pani ki bachat hoti hai.

Issme bahut kam pani ki jarurat padti hai kyuki is process me pani ko recycle kiya jata hai. Aajkal sab jagah pani ki kami hai khaskar town me Issliye iss technology ki demand bad rahi hai. RAS system me apko kheti ki jamin barbad karne ki jarurat nahi hai aap jo jamin me kheti nahi kar sakte hai us jamin ya khali jagah ko use kar sakte hai.

RAS system me dusri system jaise Biofloc ya pond me fish farming ki tulna me bahut hi jyada kharcha hoti hai laghbhag 10,00000 se 1 crore tak aa sakti hai. Jitni tank aap laganyege utni jyada kharcha ayegi.


Pahle iss system se dusri Country me fish farming shuru hua tha lekin abhi India, Israel, Indonesia, Pakistan, Bangaladesh me bhi iss system se fish farming ki ja rahi hai.

India me khaskar Andhra Pradesh, Tamil Nadu, Karnataka, Kerala, Punjab, West Bengal, Odissa, Bihar me bhi RAS technology se fish farming ki ja rahi hai.  South Indian states sabse age hai RAS fish farming me.

RAS system me sabse jaruri part hai water culture ya test. Sabse pahle pH value kitni hai pata kar le. Phir acidity, Arsenic, Nitrogen, Oxygen, Carbon dioxide, Ammonia, Calcium, Chloride, Chlorine, Iron, Hydrogen, Lead, Mercury, Nitrate, Nitrite ki levels aur us pani me kaun si species ke fish comfortable rahega fish farming ke liye ye janna bahut jaruri hai. Aapko agar chemicals ke level maloom ho jayenge to aap usko balance bhi kar sakte ho apni hisab se.


Ye bhi pade aur jane

Fish farming with Biofloc Technology

Fish Farming Kaise Kare?


RAS TRAINING
Aap agar iss system se fish farming karna chahte ho to pahle iski COURSE YA TRAINING lekar hi iss business ko start kijiye nahi to aapko bahut sare muskilo ka samna ho sakta hai jaise fish ki disease ye bahut badi problem hoti hai fish farming me. Training me aapko sikhaya jayega ki aapko fish ki treatment kaise karni hai. Fish farming ki aur ek badi problem hai temperature up and down jisse fish farming me bahut hi jyada asar karta hai issliye training lena jaruri hai training me apko temperature control karne ke tarike sikhaye jayenge ya temperature control machine kaise kam karte hai sikhaye jayenge issliye training jarur kare. Training ke dauran aapko sab machine ya filters ki jankar di jayegi aur kaun si filter ki kya kam hai samjhaya jayega.


RAS SYSTEM
RAS SYSTEM

RAS SYSTEM EQUIPMENTS/FILTERS 
Setup ki liye iron frame aur tent ya tripal se tanki taiyar kiya jata hai ya plastic ya polymer ki tank ki use hoti hai. Cement tank me bhi ho sakta hai lekin Plastic ya polymer ki tank me hi kijiye ye behtar hai fish farming ke liye. RAS system se indoor setup me hi fish farming thik hai.

RAS system me setup karne ke liye aapko ye chije lagengi jaise ki.

MECHANICAL FILTER: Iss filter me solid waste product ko alag kiya jata hai pani me se. Jaise ki fish ki potty, khana. 

ROTATING GUM FILTER: Iss filter ki madat se fish ki pani me se waste product ya kachra ko nikala jata hai. Mechanical filter se hote hue pani iss filter me ati hai filter hone ke liye.


BIO FILTER: Ye ek faidemand bacteria ka ghar ya tank hoti hai jisme ammonia gas ko nitrate me converted kar dete hai jisse ki machhli asani se pal sake. Is filter do tarah ke bacteria hote hydrophic bacteria aur chemotrophic bacteria. Iss filter bacteria ko bachane ke liye pani ki circulating hoti rahne chahiye nahi to bacteria mar jayenge issliye 24 jours power backup rahna jaruri hai. BIO Filter bahut hi jaruri equipment hai RAS system. Iss Bio filter me bacteria ko basane ke liye 6 week tak ki samay lagti hai issliye water circulating bahut hi jaruri hai. Issliye RAS system 24 hours power supply mandatory hai.

PROTEIN SKIMMER: Ye filter pani me bulbule banate hai aur ye filter pani me maujud chote-chote waste particles ko nikal deta hai.

OUTLET SYSTEM (DRAINAGE): Iss system pipe ke jariye polluted pani ko nikala jata hai.

CARBON DIOXIDE DE-GASSER: Iss process me ya filter me pani me dissolve CO2 gas to kam kiya jata hai.

UV FILTER: Iss filter me virus ya jo harmful bacteria ko khatm kiya jata hai ya mara jata hai jisse fish ko infection ya bimari se bachaya ja sake.

WATER TEMPERATURE CONTROLLER: Iss machine ke jariye pani ko temperature ko control kiya jata hai agar temperature kam ho to badaya jata agar temperature jyada ho to ghataya jata hai. Machhli ki species ke taur par bhi temperature control kiya jata ya season ke anusar.

OXYGEN INJECTION SYSTEM: Iss system ya machine se pani me oxygen ki matra control kiya jata hai. iss me apki fish ki species ke anusar pani me dissolve oxygen ki matra ko control kiya jata hai.

PH CONTROL SYSTEM (Alkalinity): Iss filter ya machine se pani me pH value ko balance kiya jata hai.

PUMP/PIPES: RAS system me ye pump water ko circulating aur nikalne me madat karta hai.

TANKS: Isme fish ko chora jata hai ya rakha jata palne ke liye. Tank ki capacity hamesha 20,000 L pani ki honi chahiye to accha rahega. 

RAS system Cement ki tanki use mat kijiye. Plastic ya polymer ki tanki thik rahti hai fish farming ke liye iss system me. 

Fish
Fish


RAS setup karne ke liye aap jis capacity ke tank lagayenge us hisab se kharcha hoga. RAS system ki setup up aap ko hamesha indoor (shade ke andar) me karna chahiye tab aap har tarah ke filter laga sakenge issliye 24-hours power supply jaruri hai khaskar Bio filter ke liye aur water circulating ke liye issliye power backup rakhana bhi ek jaruri chij hai. RAS system me kharcha bahut jyada hai.

RAS system 20000 L capacity ke tanki me aap 3:1 ke ratio se fish seed ya chara dal sakte ho. Aap fish species ke hisab se tanki me seeds (choti machhli) dale. Iss system se aap ek sal 3 bar fish farming kar sakte ho matlab har 4 mahine me aapke fish ready ho jayenge market me jane ke liye. RAS system me aap har tarah ke fish farming kar sakte ho jaise ki
  • Rohu.
  • Silver Carp.
  • Carp.
  • Catla.
  • Koi.
  • Tilapia.
  • Pangasius (Cat fish).
  • Shrimp.
  • Magur.
  • Shingi.
Fish farming ko badawa dene ke liye Government ki taraf se training di jati hai ya workshops chalaya jata hai. To agar aap ko interest hai to aap bhi training lekar RAS SYSTEM ke jariye fish farming karke iss business se achha kama sakte ho.

18 December 2018

FISH FARMING WITH BIOFLOC TECHNOLOGY (BFT)

Biofloc System

FISH FARMING  WITH BIOFLOC TECHNOLOGY (BFT)


Biofloc system me pani ki quality ko balancing kiya jata hai usme carbon, oxygen, nitrogen, chlorine, hydrogen ki levels ko pata karke aur ye sab elements ko balance kiya jata hai. Issme pani ko recyle kiya jata hai aur pani ke andar maujud protein jaise elements ko balance kiya jata macchli palan ke liye.

Issme bahut kam pani ki jarurat padti hai dusri fish farming ki tariko ki tulna me. Issliye iss technology ki demand bad rahi hai.


Pahle iss system se dusri Asian Country me fish farming shuru hua tha lekin abhi India, Pakistan, Bangaladesh me bhi iss system ki demand bahut jyada hai dusri system ki tulna me. Iss system me kharcha bahut kam hai.



Dusri Asian Country jaise China, Philippine, Israel, Bangadesh, Indonesia, Japan jaise country me bhi fish farming ki jati hai. Abhi Indians bhi Biofloc jaise modern technology se fish farming kar rahe hai. Iss system se fish farming ki profit bahut jyada hai. Iske chalte sabhi issme interest dikha rahe hai chahe woh farmer ho ya businessman. Issme ek hi bar invest karne se bahut sal tak kama sakte hai. Fish farming me lagbhag 50% se 60% tak profit hoti hai. Profit bahut jyada hai. India me khaskar Andhra Pradesh, Tamil Nadu, Karnataka, Kerala, Punjab, West Bengal, Odissa, Bihar me bhi Biofloc technology se fish farming ki ja rahi hai.  South Indian states me Biofloc system ke jariye fish farming ki jati hai.

Iss system sabse unique chij yehi hai ki issme pani ki use bahut kam hai. Iss system me apko kheti ki jamin barbad karne ki jarurat nahi hai aap jo jamin me kheti nahi kar sakte hai us jamin ya khali jagah ko use kar sakte hai.

Iss system se per hectare Production 20 to 30 tones hoti hai joki ki bahut hi jyada production mana jata hai. 
Biofloc system me pani ki tanki me biofloc taiyar karke fish farming hoti hai. Iss system me dusri system jaise RAS ki tulna me bahut hi kam kharcha hoti hai. Issliye chote businessman ya farmers bhi iss tarike se fish farming asani se kar sakte hai. 

Biofloc means protein se bhadre huye microrich microorganism hai jisme bacteria, algae, protozoa, fecal products hote hai. Iss system me pani me maujud bacteria ya proteins se hi machhli to feed kiya jata hai.

Iss system me sabse jaruri part hai water culture ya test. Sabse pahle pH value kitni hai pata kar le. Phir acidity, Arsenic, Nitrogen, Oxygen, Carbon dioxide, Ammonia, Calcium, Chloride, Chlorine, Iron, Hydrogen, Lead, Mercury, Nitrate, Nitrite ki levels aur us pani me kaun si species ke fish comfortable rahega fish farming ke liye ye janna bahut jaruri hai. Aapko agar chemicals ke level maloom ho jayenge to aap usko balance bhi kar sakte ho apni hisab se.


Ye bhi pade aur jane


Fish Farming With RAS System

Fish Farming Kaise Kare?



BIOFLOC SYSTEM SE AAP YE SAB FISH FARMING KAR SAKTE HO

  • Koi.
  • Tilapia.
  • Pangasius (Cat fish).
  • Shrimp.
  • Magur.
  • Shingi.
  • Rohu.

BIOFLOC TRAINING

Aap agar iss system se fish farming karna chahte ho to pahle iski training le lijiye nahi to  aapko bahut sare muskilo ka samna ho sakta hai jaise fish ki disease ye bahut badi problem hoti hai fish farming me. training me aapko sikhaya jayega ki aap iss problem se kaise lad sakte hai. Fish farming ki aur ek badi problem hai temperature up and down jisse fish farming me bahut hi jyada asar karta hai issliye training lena jaruri hai training me apko temperature control karne ke tarike sikhaye jayenge ya temperature control machine kaise kam karte hai sikhaye jayenge issliye training jarur kare. Training ke dauran aapko floc kaise taiyar kare ye bhi sikhaye jayenge airway pipe (air blower), inlet, outlet kaise kare sab sikhaye jeyenge. 

BIOFLOC SETUP
Setup ki liye iron frame aur tent ya tripal se tanki taiyar kiya jata hai ya plastic ki tank ki use hoti hai. Cement ki tanki se plastic ki tanki thik rahti hai fish farming ke liye. Iss system tank me airway pipe dale jate hai. Ye airway pipe ((air blower) gandigi ko niche me jamne nahi dete hai. Iss setup me outlet aur inlet ki puri system honi chahiye. Iss system pani ko barbar change karne ki jarurat nahi hoti hai. Aap 20-30 din me thoda sa pani 10-20% nikal sakte hai. Biofloc system me aap 3 mahine ke bad bhi pani change kar sakte ho. Iss system me fish ki mal (fecal materials) ko bhi floc me convert kiya jata hai taki fish use bhi kha le aur pani saf rahe. Iss system me bich bich me aapko pani ko check karna padega ki usme Biofloc ki matra kitni hai aur calculate karke Biofloc dalna padega.


Pictures collected from Youtube
Pictures collected from Youtube

BIOFLOC KAISE TAIYAR KARE
Biofloc taiyar karne ke chuna ya lime, probiotic, rock salt, liquid gur se ek mishran taiyar karke pani me milaya jata hai. Agar aapki 10,0000 L capacity ki tanki hai to 5000 L pani ki tanki bharkar phir iss misran ko milakar 7 se 10 din tak chod de. Issme airway 
(air blower) ki choti choti pipe dali jati jisse ki niche ki pani ko upor ki taraf blow karti hai. Phir 7-10 din ke pani me floc ki matra ko check karke fish choda jata hai phir aur pani dali jati hai. Iss process me airway pipes (air blower) ki aham bhumika hoti hai isske jariye fish ki mal, feed ko phir se floc banaya jata hai phir fish usko kha leti hai.  Iss system aapko koi bhi filter lagane ki jarurat nahi ya air blower ko chalane ke liye aapko electricity chahiye din me kam se kham 12-13 ghanta. Iski setup karne ke liye aap jis capacity ke tank lagayenge us hisab se kharcha hoga. Agar aap 20,000 L ke tank ka use karenge to accha rahega. Ye aap ke upor hai aap kitni tanki lagate hai. Aap apni punji ke hisab se shuru kar sakte hai phir bhi mere khyal se 2 se 3 lakh lagenge. Aap kitni tank lagayenge iss hisab se kharcha ayega. Iss system se aap sal me 3 se 4 bar fish farming kar sakte hai. 20000 L capacity ke tanki me aap 3:1 ke ratio se fish seed ya chara dal sakte ho. Aap fish species ke hisab se tanki me seeds (choti machhli) dale. Iss system se aap ek sal 3-4 bar fish farming kar sakte ho matlab har 3 mahine me aapke fish ready ho jayenge market me jane ke liye.

Fish farming ko badawa dene ke liye Government ki taraf se training di jati hai ya workshops chalaya jata hai. To agar aap ko interest hai to aap bhi training lekar Biofloc technology jariye fish farming karke iss business se achha kama sakte ho.


14 December 2018

FISH FARMING KAISE KARE ADHIK MUNAFE KE SATH

"FISH FARMING" KAISE KARE ADHIK MUNAFE KE SATH


Fish Farm
Fish Farm
INTRODUCTION
Fish Farming yani machhli palan kaise kare aaj iske bare me jante hai. India me fish ki demand bahut hi jyada hai. Fish khana Indians ko bahut pasand hai. Fish khana khali bhartiyo ko hi nahi puri duniya ke logo ko pasand hai. Asian Fish ki demand jyada hai duniya me. Asian country ke logo ke fish ek pasandita item hai khane ke liye.  Asian country me ye ek bahut hi demanding business hai. India me mithhe jal ki source bahut jyada hai jaise rivers, ponds, lakes, canals issliye India ki fish ki demand bahut jyada hai duniya me. Fish farming India me ek bahut hi popular business bante ja rahe hai kyuki India ki fish puri world famous hai. India ki weather bhi fish farming ke liye bahut suitable hai. Ab farmer bhi iss business me involved ho rahe hai. Dusri Asian Country jaise China, Philippine, Bangadesh, Indonesia, Pakistan, Japan jaise country me bhi fish farming ki jati hai. Abhi Indians bhi modern technology se fish farming kar rahe hai. Fish farming me profit bahut jyada hai. Iske chalte sabhi issme interest dikha rahe hai chahe woh farmer ho ya businessman. Issme ek hi bar invest karne se bahut sal tak kama sakte hai. Fish farming me lagbhag 50% se 60% tak profit hoti hai. Profit bahut jyada hai. India me khaskar Andhra Pradesh, Tamil Nadu, Karnataka, Kerala, Punjab, West Bengal, Odissa, Bihar, UP me sabse jyada fish farming ki jati hai.  Dusri state me bhi hoti hai. South me ek growing business hai.

Fish farming me aap koi bhi species ki fish farming kar sakte hai. India me khaskar niche diye gaye fish ki farming ki jati hai kyuki iski demand jyada hai aur ye bahut hi profitable species ke fish hai enki growth bahut jaldi hoti hai.


  • Rohu.
  • Silver Carp.
  • Carp.
  • Catla.
  • Koi.
  • Tilapia.
  • Pangasius (Cat fish).
  • Shrimp.
  • Magur.
  • Shingi.


Fish farming ki sabse khas bat hai ki aap ek sal me 3 se 4 bar fish farming kar sakte hai yani 3 se 4 mahine apke fish bechhne le liye ready ho jate hai. 

Aap fish ki chara (breeds) yani choti size ki fish bhi bech sakte hai yani 100-1000 mg tak ya to badi size ki 100 g se 1000 g tak ya usse upor size ki bhi farming kar sakte hai. Alag alag species ke fish ke liye alag alag size ki demand rahti hai market me.


Sabse pahle jante hai fish farming ke kitne tarike hai India me aur issme kharcha kitni lagegi.



Fish farming in a pond
Fish farming in a pond

Ye bhi pade aur jane

Fish Farming With RAS System


Fish Farming with RAS system


TYPES OF FISH FARMING
Fish farming ke ye 3 tarike sabse useful hai India me jaise ki
  1. Pond me ya talab me. 
  2. Biofloc Technology. (BFT). 
  3. RAS yani Recircularatory (Recirculating) Aquaculture System.
Fish farming me kitna kharcha hoga ye puri tarah technique aur aap kitni area me fish farming karna chahte hai iss pe depend karta hai.

Pond me fish farming me total 1 se 5 lakh tak kharcha aa sakta hai.
Backward me bhi aap 1-2 k ki lagat se aap pond taiyar kar sakte hai.
Biofloc system me 14 K per hectare.
RAS yani Recircularatory Aquaculture System me 10-15 K kharcha aa sakta hai (depend karta hai ki aap kitni tank me fish farming karte hai).

India me fish farming ke sabse purani tarika hai pond yani ki talab me machhli palan. Isme kharcha bhi kam hai aur jin farmer ke pas pond hai woh isme asani se fish farming kar sakte hai aur jinke pas nahi hai woh bhi lease me lekar machhli palan kar sakte hai. Humhari Government bhi abhi farmers ko Fish Farming ke liye encourage kar rahe hai aur Training bhi de rahe hai aur loan ki subidha bhi de rahi hai.

Agar aap iss tarike se fish farming karna chahte hai to sabse pahle 15 din ka course hota hai government ke taraf se ye karle le. Issme aap jo pahle se bani hui talab hai usme fish farming kar sakte hai. Isme aapko kam kharcha ayega lekin agar apke pas pond nahi hai to lease me bhi le sakte hai. Agar aap purani talab me Fish Farming karna chahte hai to pond ko pahle fertilize kar le.  Pond me fish farming karne ke liye aapko bahut sare chijo ka dyan rakhna hoga jaise ki,

POND MAKING Agar aap talab khodkar ya katkar fish farming karna chahte hai to niche likhe chizo ka dyan rakhe.

1. Sabse pahle aap us area ke Water Layer ka pata kar le. Agar aap kisi nearest water source jaise lake, river, dam, canal ke aaspas pond banaye to accha rahega kyuki sal me kam se kam aap apne pond ko natural tarike se pani dal (fill) sakte ho.

2. Water culture and soil culture.  Aap apni area ki mitti aur pani ka testing bhi kara le ki unme chemicals ya pH value kitni hai jaise ki Acidity, Arsenic, Nitrogen, Oxygen, Carbon dioxide, Ammonia, Calcium, Chloride, Chlorine, Iron, Hydrogen, Lead, Mercury, Nitrate, Nitrite ki levels aur us pani me kaun si species ke fish comfortable rahega fish farming ke liye ye janna bahut jaruri hai. Aapko agar chemicals ke level maloom ho jayenge to aap usko balance bhi kar sakte ho apni hisab se.
3. Pond ki size ya shape. Ye bahut hi jaruri chij hai aap ki pond ki size 0.5 hectare hone se achha rahega. Pond ki shape hamesha rectangular honi chahiye aur 2% dhalan honi chahiye one side. Fish ki size, species ke hisab se aap pond me fish dale. Kyuki jyada chota hone se aap ki production kam hogi. Aapko pond ke area hisab se fish kam dalni hogi aur unhe machhli ko ghumne phirne me bhi taklif hogi. Jyada bada pond hoga to usme aap ko feeding me problem hogi chara dalne me aur maintenance me jyada pareshani hogi.  Aapki fish jab taiyar ho jayenge tab fish nikalne ke jyada badi net ki jarurat hogi aur man power bhi jyada lagegi. India me aajkal man power ki kami hai. Jyada staff rakhenge to unko payment bhi jyada karna padega phir aapko munafa kam hogi.
4. Pond ki direction. Pond ki direction ka kyal aapko rakhna hai. pond ki direction hamesha east-west direction me length hona chahiye aur south-north direction me wide yani ki chaurai honi chahiye.
5. Pond ki Deep. Pond ki deep hamesha 6 feet ke aaspas honi chahiye. Fish ki category ke hisab me pani ka layer rakhe.
6. Pond me inlet aur outlet ki system honi chahiye kyuki garmi ke season me pani ki layer kam ho jati hai to pani dalna padega pond me kyuki achhi fish farming ke liye pani ka level maintain rakhna bahut hi jaruri chij hai.
7. Outlet ki system bhi honi chahiye taki rainy season me jab pani jyada ho ya pani dusit ho jaye tab pani ko nikala ja sake. Outlet system ki pipe me ek net jarur laga de kyuki pani nikalne ke samay aapki fish bhi bahar ja sakti hai.
8. Bridge ya mora banaye do pond ki bich me.
9. Temperature. Ye bahut hi khas chij hai apko jiski dyan rakhna hoga kyuki temperature upor niche hone se fish farming me bahut hi asar padta hai. Issliye aapko season ke hisab se hi fish dalni chahiye pond me. Winter season me fish bahut bimar padte hai. Aur garmi me inlet outlet system se aapko pani ki temperature maintain karna hoga. Pond me aap manually temperature control nahi kar sakte hai lekin dusri technique me aap kar sakte ho.

Fishing with net
Fishing with net

Talab ki charoaur saf safai rakhe taki fish ko khanewali medhak aur sap jaise jib dur rahe.

DISEASES OF FISH
Fish farming me sabse jo aham bat hai fish ki disease. Fish jaldi hi infected ho jate hai khaskar winter season me jaise ki ulcer, pet phulna (swelling of the stomach), Fungal infection ye bahut hi common bimari hai fish ke. Isske liye infected fish ko pond se nikalkar salt water treatment kare ya Salt, lime pani me dal de (dalte samay measurement ka dyan rakhe ki kitni pani me kitni lime ya salf dalna hai) ya antibiotics fish ki chara me milakar ya injection ke through inject kare.

FISH FEEDING
Fish farming me aap Fish Feed thik tarike se kare kyuki isime aapi fish ki growth depends karega. Aap feeding ke liye market se fish feed kharid sakte hai. Market me koi tarah ke fish feed milte hai. Aap apni fish species ke hisab se feed chune. Aap chara ke taur par grasses, legumes, leaves, seeds, earthworm, silkworm, termites, snails, water lettuce, water hyacinth, duckweed bhi use kar sakte hai ya intejam kar sakte hai. Ye sab natural chije fish bahut bhi pasand karte hai aur isse fish ki growth bhi jaldi hoti hai.

Fish Farming se 50% tak ki profit hoti hai issliye bahut demanding business hoti ja rahi hai.

Main apni next article me aapko BIOFLOC/RAS SYSTEM se kaise fish farming kare uski jankari dungi.

10 December 2018

ORGANIC FARMING WITH VERY LOW INVESTMENT

ORGANIC FARMING WITH VERY LOW INVESTMENT


Organic Farming
Organic Farming
Organic Farming Kya hai aur ise kaise kare?

Organic Farming Ya Jaibik Kheti aajkal bahut hi popular hai. Aiye sabse pahle jante hai organic ya Jaibic Kheti kya hai?

Organic yani jaibic acually jisme hanikarak chemical ya rasayan nahi ho. Humlog jis Pesticide ka upoyog ya use  karte hai kheti ya farming ke liye me unme rasayan (chemical) ki matra bahut jyada hoti hai jo sehat ke liye thik nahi hai. Jo pesticide ya kitnasak ya sar hum apne anaj ya kheti me achhe phasal ke liye dalte hai woh humari sehat ko bahut jyada nuksan pahuchate hai.

Organic Farming se ugayi janewali phasal ya sabji me unki Nutrients ki matra jyada hoti hai Pesticide se taiyar kiye hue phasal ke tulna me aur Nutrients se bharpur hote hai jisse humhe bhi nutrition milti hai.

Issliye abhi Organic Farming ki ja rahi hai. Organic kheti me pesticide ka use nahi hota hai. Isme humare aas pas ki jaibik chijo ka istemal karke kheti ki jati hai jaise ki,

  • Mal.
  • Gobar.
  • Rakh.
  • Atta ya besan.
  • Gomutra.
  • Sara hua gur.
  • Besan.
  • Sabji ke chilke.
  • Anaj ke chilke.
  • Patte.
  • Mitti.

Sabse pahle to Organic Farming Dusri desho me shuru hua tha aur IFOAM (International Federation of Organic Agriculture Movements) aur  Umbrella Origination ( 1972) ka gathhan hua dhire dhire sab iske bare me janne lage.

India me Organic Farming 1990s me shura hua lekin tab isske bare bahut kam log ji jante the.

Abhi kuch din pahle Sikkim ko First Organic State In India ka darja mila hai. Kyuki Sikkim me aajkal isi tarike se kheti ki ja rahi hai. India me Sikkim pahla state hai jisko ye darja mila hai. Sikkim ke 90% log iss method ke dwara hi apni production bada rahe hai aur munafa bhi kama rahe hai.

Organic Farming se shuru me to aapko labh nahi hoga lekin aapki phasal bahut achhi rahegi sabke liye. Apki phasal ya anaj khakar koi bimar nahi honge. Issliye aapko 2 se 3 sal lagenge isse phaida hone ke liye. Tin sal ke andar aapko phaida ya munafa hone lagega.

Organic Farming se aap har kism ke phasal uga sakte ho jaise ki anaj, sabji, phal, har tarah ke sag.
Organic Farming me phasal ko change karke ugaya jata hai jaise aap ek hi kheti me khabi dhan, kabhi gehu, kabhi koi dal, kabhi sabji, kabhi sag, kabhi phool, khabi phal to isse kheti ki upjayu chhamta badti hai. Ek tarah ke phasal se mitti ki upjayu chhamta ghat jati hai issliye change karke kheti kare.

Organic tarike ke ugayi gayi sabji
Organic tarike ke ugayi gayi sabji

Abhi Government bhi Organic Farming ko badaba de rahe hai. Humhari government bhi chahte hai ki hum organic farming kare aur desh ko pesticide ke jahar se bhachaye.

Ye bhi pade aur jane

Businesses under 5 k to 10 k part 1

Low Investment Businesses Part 2

Small Investment Business Part 1

Aapko agar organic farming ke bare me adhik jankari leni hai to Government ke Website aur Centre me jakar jankari le sakte hai. Government iski training bhi de rahi hai ya Workshop chala rahe hai farmers ke liye.
India ek Engineer ne apni achhi khasi naukri chodkar Organic Farming start kiye aur abhi bahut hi popular ho gaye hai aur achhi munafa bhi kama rahe hai.

Engineer ne apne Chawal ke kheli ke liye ye Organic ya Jaibic khad ka upojog kiya. Aap bhi ise try kar sakte hai apni Dhan ya Chawal ke kheti ke liye.

15 Kg gai ka Gobar
15 L gai mutra ya gomotra
1 kg atta ya besan.
1 kg sara hua gur
1 kg mitti ya soil jisme chemical na yo.

Usne apne interview me ye bataya ki kaise usne ise taiyar kiya.  Sabse pahle en chijo acche se milakar 7 se 8 din (garmi ke mausam me, Thhande ke mausam me 14-15 din ) tak chor de ek tank me aur bich-bich me isse milate rahe. Phir isse rakh me milakar apni jamin ya phasal me chirke ya mitti me mila de. Aap is misran ko pani me gholkar bhi dal sakte apne khet ya phasal me. Isse apki phasal jaldi se bardne lagenge aur isse apke phasal me kide nahi lagenge.

Karela
Karela

Issliye agar aap bhi Pesticide ke jahar se apni family ya desh ko bachana chahte hai to Organic Farming kare jinke pas jamin ya kheti hai aur apne desh ke logo ko pesticide ya chemical se bane hue sabji, fal, gehu, chawal, ganna, dal, aur har tarah ke anaj khane se bachaiye.

Humhre desh me abhi jo farmers farming karna chod diye the woh bhi abhi Organic Farming ki jariye achhi khasi munafa kama rahe hai aur khushi se apni jindagi ji rahe hai aur pade likhe admi bhi abhi apni acchi khasi naukri chdkar organic farming karke lakho kama rahe hai aur bahut khus hai.

To aapke pas bhi agar jamin hai to aap bhi organic farming kar sakte hai acchi income kar sakte hai aur apni family (Desh) ko pesticide ke jahar se bacha sakte hai.

Humari Government bhi abhi Organic Farming ke liye har State ko help kar rahe hai aur jo Farmers isse apnana chahte hai unki har tarah madat kar rahe hai.